Па старой звычцы да рэгіёнаў у нас прынята ставіцца як да той самай глухамані і невылазнай дзіры, як да частак краіны, якія адстаюць ва ўсім, на што ні зірні. Эканоміка, інфраструктура ды нават узровень камунікацыі і этыкету выразна розняцца ад “сталічных”, выклікаюць недавер і множаць стэрэатыпы. І такімі вачыма на рэгіёны глядзіць шмат хто, не заўважаючы асаблівай розніцы між Баранавічамі, Гомелем, Ваўкавыскам ці Слаўгарадам. Рэгіёны ўспрымаюцца як рэсурсная база для краіны, а не месца перспектыў і будучыні. Шэрасць, безнадзейнасць, смутак вымушаюць шмат каго з’язджаць.
Але ў рэгіёнах віруе жыццё! Там хапае арыгінальных ініцыятываў і апантаных сваёй справай людзей, чыя дзейнасць можа служыць прыкладам для ўсіх. Самі рэгіёны розняцца паводле сваіх магчымасцяў, менталітэтам і патэнцыялам. І размова не толькі пра стары падзел на “ўсходнікаў” ды “заходнікаў”.
Каб не жыць стэрэатыпамі і мець яснае ўяўленне пра тое, чым жыве славуты “глыбінны народ”, Цэнтр новых ідэй і запускае новы падкаст.
Не забывайцеся пра рэгіёны родныя, каб зусім не ўмёрлі!
Усе выпускі падкастаў слухайце ў Itunes, Google, Soundcloud, Spotify, RSS ды Яндэкс!