Рыгор Астапеня
Дырэктар па даследаваннях Цэнтра новых ідэй
Падрабязней
Яшчэ
Хто мы такія
Цэнтр новых ідэй – аналітычны цэнтр, прысвечаны магчымасцям развіцця і адказам на выклікі, якія стаяць перад Беларуссю ў ХХІ стагоддзі. Нашая місія ў тым, каб дапамагчы грамадству і дзяржаве пабудаваць больш адкрытую, заможную і ўстойлівую Беларусь.
Праз Цэнтр новых ідэй прайшлі дзясяткі актыўных людзей і мы заўсёды рады вітаць новых чальцоў у камандзе.
Наша каманда
> 10
чалавек у камандзе
Цэнтр новых ідэй – адна з найбольш папулярных недзяржаўных арганізацый краіны. Больш за 35 тысяч чалавек падпісаныя на нашыя старонкі ў сацыяльных сетках — і гэтая лічба няспынна расце.
> 35
тысяч падпісантаў
Штогод мы ладзім дзве буйныя канферэнцыі ў Мінску і каля дзясятка мерапрыемстваў у сталіцы і рэгіёнах.
> 65
падзей
Як падтрымаць ЦНІ
Цэнтр новых ідэй не вядзе камерцыйнай дзейнасці, таму ў сваёй працы мы разлічваем на два рэсурсы: энтузіязм нашай каманды і вашую фінансавую дапамогу. Вы можаце падтрымаць нашу арганізацыю, пералічыўшы добраахвотнае ахвяраванне на рахунак.
Інфармацыйна-асветніцкая ўстанова “Цэнтр новых палітычных, эканамічных і сацыяльных ідэй”
Мінск, вул. Амуратарская д.7, офіс 2І – 11, УНП: 192810403
Банкаўскі рахунак: BY30BELB30150123340060226000
Код: BELBBY2X у ААТ “БелВЭБ”
Цэнтр
новых
ідэй
Цэнтр новых ідэй пабудаваў каманду з дзясяткаў людзей, большасць якіх мае іншыя сталыя месцы працы. Яны вядуць уласныя бізнесы, узначальваюць аддзелы ў міжнародных карпарацыях, працуюць у медыях, дыпламатычных прадстаўніцтвах і арганізацыях грамадзянскай супольнасці.
Алеся Руднік
Паходзіць з Гродна, жыве ў Стакгольме. У Швецыі атрымала магістарскія ступені па паліталогіі і журналістыцы. У 2019 годзе стала адной з каардынатараў паспяховай кампаніі па змене афіцыйнай назвы Беларусі ў шведскай мове з “Vitryssland” на “Belarus”. Працавала з міжнароднымі праектамі ў сферы абароны правоў чалавека і назірання за выбарамі. Мае публікацыі ў шведскіх, нямецкіх, брытанскіх […]
Падрабязней
Света Паддубная
Света ўзначальвае аддзел па развіцці кар’еры і прафесійнаму росту ў сферы ІТ. Распрацоўвала і рэалізоўвала стратэгію карпаратыўнай сацыяльнай адказнасці на Мінскім гадзіннікавым заводзе. Света кіравала праектамі ў сферы ўстойлівага развіцця, экалагічнага маніторынгу і інклюзіі, а таксама працы з мясцовымі супольнасцямі. Мае больш 15 гадоў досведу ў сферы нефармальнай адукацыі.
Падрабязней
Таня Кавалёнак
Магістр міжнароднага развіцця і адукацыі Універсітэта Ньюкасла (Велікабрытанія). Нарадзілася ў Мінску, дзе скончыла Беларускі дзяржаўны тэхналагічны ўніверсітэт па спецыяльнасці “Выдавецкая справа”. Пасля навучалася ў аспірантуры Маскоўскага дзяржаўнага ўніверсітэта друку ім. Івана Фёдарава і працавала ў міжнародных крэатыўных агенцтвах. З 2015-га года займаецца нефармальнай адукацыяй моладзі, а апошнім часам – грамадзянскай і прафесійнай адукацыяй дарослых.
Падрабязней
Глеб Ляпейка
Вучыцца на журфаку БДУ. Працаваў пазаштатным карэспандэнтам Tut.by і Citydog.by, пісаў навіны для Kyky.org. Пераможца конкурсу “Смелее.Авторы” ад “Альфа-банка”. Глеб займаецца падкастамі і каналам у “Тэлеграме” @obyasnil. Цікавіцца экалогіяй, кіберспортам, палітыкай, урбаністыкай і медыясферай.
Падрабязней
Іван Краўцоў
Выкладае тэорыю і практыку архітэктуры ў БНТУ, арт-дырэктар ТАА «Архітэктурнае бюро 35». Працаваў намеснікам дырэктара ААТ “Мінскі гадзіннікавы завод” па стратэгічнаму развіцці. Сфера інтарэсаў: стратэгічнае планаванне, міжнародная палітыка, макра- і мікраэканоміка, фінансы, сучасная філасофія, метадалогія (СМД), сучасная акадэмічная музыка.
Падрабязней
Віктар Шукеловіч
Журналіст і перакладчык. Закончыў аддзяленне беларускай філалогіі БДУ. Атрымаў ступень магістра тэалогіі ў Каталіцкім універсітэце Любліна (Польшча). Стажыраваўся на Польскім тэлебачанні ў Чыкага і ў Франкфурцкім універсітэце імя Гётэ. Аўтар і вядоўца цыклу перадач “Вяскоўцы” на тэлеканале “Белсат”. Віктар паходзіць з Жупранаў на Ашмяншчыне.
Падрабязней
Алесь Ганчаронак
Вывучаў эканоміку ў Беларускім дзяржаўным эканамічным універсітэце, працуе аналітыкам дадзеных у EPAM. Навучаўся ў студэнцкай і аспіранцкай школе па эканоміцы ад BEROC і скончыў курс па візуалізацыі дадзеных. Цікавіцца эканомікай развіцця і інстытуцыянальнай эканомікай, адукацыяй, машынным навучаннем і візуалізацыяй дадзеных.
Падрабязней
Зміцер Лысюк
Навучаўся на факультэце міжнародных адносінаў ва Універсітэце Адама Міцкевіча ў Познані, вывучаў еўрапеістыку ў Еўрапейскім каледжы ў Варшаве. Стажыраваўся ў Еўрапейскім фондзе падтрымкі дэмакратыі ў Бруселі і працаваў памочнікам Богдана Здраеўскага, дэпутата Еўрапейскага парламента.
Падрабязней
Стас Гарэлік
Дактарант Універсітэта Джорджа Вашынгтана. Навучаўся на магістарскай праграме па глабальных медыях Карльстадскага ўніверсітэта (Швецыя) і факультэце філасофіі ды сацыяльных навук Беларускага дзяржаўнага ўніверсітэта. Працаваў піяр-менеджарам у недзяржаўнай арганізацыі, што прасоўвае прынцыпы ўстойлівага развіцця ў беларускіх рэгіёнах. Піша пра сучасныя аўтарытарныя рэжымы і ўзаемасувязі беларускай палітыкі ды сусветных падзей.
Падрабязней
Дзіяна Ляшкевіч
Дзіяна кіруе адукацыйным праектам па камунікацыі для некамерцыйных ініцыятыў, а таксама вядзе падкаст “Куды падацца” пра адукацыйныя магчымасці для беларусаў. Вывучала электронны маркетынг у Беларускім дзяржаўным універсітэце інфарматыкі і радыёэлектронікі. Паходзіць з Мінска.
Падрабязней
Вадзім Мажэйка
Кандыдат культуралогіі і аналітык Беларускага інстытута стратэгічных даследаванняў (BISS). Вадзім з’яўляецца сябрам Рады ГА “Дыскусійна-аналітычная супольнасць “Ліберальны клуб” і амбасадарам супольнасці Press Club Belarus. Аўтар аналітычных артыкулаў для беларускіх і замежных медыяў, сярод якіх – Republic (Расія), BelarusDigest (Вялікабрытанія), “Наше Мнение” (Беларусь) і іншыя.
Падрабязней
Васіль Бялько
Нарадзіўся ў Мінску, вывучаў журналістыку і крытычную ўрбаністыку ў Еўрапейскім гуманітарным універсітэце ў Вільні. Васіль скончыў курс BBC для відэажурналістаў і цяпер працуе ў галіне незалежнай відэавытворчасці.
Падрабязней
Іван Шыла
Уладальнік клінінгавай кампаніі “Чысты кіт” і вядоўца “Ідэйнага падкаста”. Іван паходзіць з Салігорска і раней працаваў менеджарам сацыяльных сетак некалькіх беларускіх медыяў. Вывучаў права і публічнае кіраванне ва Універсітэце Сілезіі ў Катавіцах, збіраўся паступаць у дактарантуру Гданьскага ўніверсітэта, але перадумаў.
Падрабязней
Алесь Аляхновіч
Віцэ-прэзідэнт даследчага цэнтра CASE Belarus, старшы кансультант кансалтынгавай кампаніі EY (Ernst & Young) ды аспірант Варшаўскай школы эканомікі. Скончыў магістратуру ў Лонданскай школе эканомікі і Варшаўскай школе эканомікі (пад навуковым кіраўніцтвам прафесара Лешка Бальцаровіча), вывучаў менеджмент у Нацыянальным тайваньскім універсітэце. Раней працаваў у McKinsey і Нацыянальным банку Польшчы.
Падрабязней
Ілля Шыла
Уладальнік некалькіх бізнес-праектаў і адказная асоба за тэхнічнае развіццё Цэнтра новых ідэй. Апроч таго, займаецца стварэннем і абслугоўваннем сайтаў. Ілля паходзіць з Салігорска і навучаўся ў Апольскім і Гданьскім універсітэтах.
Падрабязней
Глеб Мартынаў
Менеджар у буйной беларускай IT-кампаніі і вядоўца “Ідэйнага падкаста”. Навучаўся ў Мінскім дзяржаўным лінгвістычным універсітэце, Універсітэце Лінкальна ў ЗША і Універсітэце Осла. Стажыраваўся ў Палаце прадстаўнікоў штата Місуры і ў беларускай кампаніі ў Венесуэле. Глеб паходзіць з Віцебска.
Падрабязней
Марыя Русак
Супрацоўніца і дактарантка Школы архітэктуры і дызайну ў Осла. Марыя скончыла адзін з міжнародных каледжаў Red Cross Nordic United World College ў Нарвегіі, Прынстанскі ўніверсітэт з дыпломам magna cum laude і Каралеўскі тэхналагічны ўніверсітэт у Стакгольме. Паходзіць з Мінска і цікавіцца рэфармаваннем адукацыйных працэсаў і міждысцыплінарнымі даследаваннямі гарадской прасторы, культуры і грамадства.
Падрабязней
Місія ЦНІ
Для нас важна, каб ідэі, якія могуць зрабіць Беларусь больш адкрытай, заможнай і ўстойлівай, развіваліся, даходзілі да тых, хто прымае рашэнні. Калі найлепшыя прапановы дойдуць да шырокай аўдыторыі, то больш імаверна, што гэтыя ідэі будуць рэалізаваныя.
Мы робім гэта праз уцягванне грамадства ў абмеркаванне рэформаў, правядзенне незалежных даследаванняў і падтрымку будучых лідараў.
Мы імкнемся прыцягваць не толькі экспертаў, але ўключаць як мага больш шырокія групы грамадства ў дыскусію аб развіцці Беларусі. Мы робім гэта праз нашы мерапрыемствы, анлайн-пляцоўкі і супрацу з найбуйнейшымі беларускімі медыямі.
Уцягваем грамадства
Нашы даследаванні, заснаваныя на фактах і доказах, з’яўляюцца крыніцай экспертызы не толькі для традыцыйнай аўдыторыі аналітычных цэнтраў, але і для шырокіх грамадскіх колаў. Сярод нашых аналітычных прадуктаў — штогадовы Рэйтынг беларускіх гарадоў ды Індэкс беларускай будучыні.
Праводзім даследаванні
Мы ладзім адукацыйныя праграмы, сярод якіх Школа маладых рэфарматараў, Belarus Urban Fellowship і Vitali Silitski Fellowship. Акрамя таго, мы прыцягваем новых лідараў на нашы мерапрыемствы ў якасці гасцей і выступоўцаў ды даем магчымасць апублікаваць іх аналітыку на сайце Цэнтра новых ідэй.
Інвестуем у будучых лідараў