Запампаваць PDF:

• Маніторынг беларускага транзіту: як павялічыць шанцы на дэмакратызацыю (PDF)
• Monitoring the Belarusian Transition: How to Increase the Chances of Democratisation (PDF)

Галоўная выснова даследавання — транзіт улады ў Беларусі да 2040 года эксперты лічаць практычна непазбежным (90%), аднак яго найбольш верагодны старт адбудзецца праз кіраваную перадачу ўлады зверху (72%). У той жа час кіраваны пачатак не гарантуе кантраляванага выніку.

У даследаванні зафіксавана, што:

• галоўным трыгерам транзіту з’яўляецца стан здароўя Аляксандра Лукашэнкі (79%), а таксама нестабільнасць у Расіі (38%);
• рэальную ўладу на першым этапе, найхутчэй, атрымаюць актары з унутрысістэмнага асяроддзя — дзейныя чыноўнікі (48%), сям’я Лукашэнкі (21%) або сілавікі (17%);
• беларускае грамадства і эліты пакуль дэманструюць пасіўнасць: 69% экспертаў чакаюць, што эліты зоймуць чакальную пазіцыю, а 55% лічаць, што грамадства прыме статус-кво.

Даследаванне паказвае, што Расія складзе галоўны вонкавы фактар і падтрымае любога геапалітычна прымальнага кандыдата (66%). Захад, у сваю чаргу, мае высокі запыт на змены, але пакуль не дэманструе гатоўнасці актыўна кіраваць працэсам.

Эксперты вылучаюць чатыры асноўныя сцэнарыі развіцця падзей:

1. Аўтарытарная пераемнасць — базавы сцэнар змены першай асобы без глыбокай дэмакратызацыі.
2. Геапалітычны гібрыд — манеўраванне часткі эліт паміж Масквой і Захадам.
3. Акно для дэмакратызацыі — найлепшы, але малаімаверны сцэнар, які патрабуе аслаблення РФ і гатоўнасці рэфарматараў.
4. Замарожванне або страта суб’ектнасці — найгоршы сцэнар з паглыбленнем расійскага кантролю.

Азнаёмцеся з даследаваннем цалкам.

Таксама мы падрыхтавалі эксперыментальную інтэрактыўную мадэль з дрэвам сцэнароў тразіту.