Запрашаем на адкрытую сустрэчу-прэзентацыю другога набору праграмы CNI Women Fellowship!

Мужчыны-эксперты з’яўляюцца ў медыя ў 2,5 раза часцей за жанчын, а ў якасці прафесіяналаў іх цытуюць амаль у 7 разоў часцей. Справа не ў адсутнасці экспертнасці, а ў бачнасці, стэрэатыпах і страху хейту. Мы ў Цэнтры новых ідэй мяняем гэтую дыспрапорцыю.

Калі: 16 верасня а 18:00 (па Варшаве)
Працягласць: 1,5 гадзіны
Дзе: анлайн (спасылка пасля рэгістрацыі)

У праграме:

18:00–19:00 | Лекцыя Валянціны Чэкан: «Навошта эксперткам выходзіць у паблік»

Будзьце гатовыя да шчырай размовы без парад «проста будзь упэўненай». Валянціна — экспертка праграмы, спікер-коўч і даследчыца:

• Публічнасць vs Медыйнасць: у чым прынцыповая розніца.
• Што публічнасць дае насамрэч (легітымнасць, доступ да патрэбных людзей, разуменне ўласнай экспертнасці), а чаго не дае.
• Як працаваць з рэальнымі абмежаваннямі: моўным бар’ерам, адсутнасцю інстытуцыйнай падтрымкі і рознай гатоўнасцю да рызыкі.
• Як абраць свой фармат — ад закрытых ментарскіх размоў да вялікай сцэны.

19:00–19:30 | Прэзентацыя CNI Women Fellowship v.2.0 + Q&A

Каманда праграмы раскажа, як уладкаваны фэлоўшып знутры, як падаць заяўку і на што мы будзем звяртаць увагу. На сесіі пытанняў адкажам на ўсё, што вас хвалюе.