Падавайце заяўкі на ўдзел у школе і далучайцеся да супольнасці маладых лідараў!
Што будзе?
Гэта месяц анлайн-навучання з найлепшымі беларускімі і міжнароднымі экспертамі ды эксперткамі, якія падзеляцца тэарэтычнымі ведамі і практычнымі ўменнямі, патрэбнымі для таго, каб рабіць краіну лепшай.
Вас чакаюць лекцыі, майстар-класы, практычныя заняткі, нефармальныя вечарыны і жывая бібліятэка.
Каго мы шукаем?
Амбітных маладых лідарак і лідараў ад 18 да 30 гадоў з дасягненнямі ў вучобе, працы ці грамадскай дзейнасці. Нам дакладна па дарозе, калі вы жадаеце паглыбіць свае веды пра рэформы і палепшыць практычныя арганізацыйныя навыкі.
Дзе падрабязнасці?
Падрабязней пра школу, фармат, праграму, трэнераў і водгукі ўдзельнікаў ды ўдзельніц мінулай школы шукайце на адмысловай старонцы: https://newbelarus.vision/school-2020/
Як трапіць?
Каб далучыцца, запоўніце анкету да 17 чэрвеня: https://bit.ly/cni-school. Вынікі адбору мы паведамім у перыяд з 18 да 20 чэрвеня.
У мяне засталіся пытанні: каму пісаць?
Па любых пытаннях наконт школы пішыце на электронную пошту info@newbelarus.vision з пазнакай “Школа маладых рэфарматараў”