Што адбываецца з беларусамі падчас найбуйнейшага палітычнага крызісу ў сучаснай гісторыі краіны? Што яны думаюць, аб чым хвалююцца, што плануюць і як гатовы дзейнічаць у цяперашніх умовах? Удзельнікі Кейс-клуба ЦНІ змогуць даведацца самі!
Падчас Кейс-клубу каманды распрацуюць тэмы даследаванняў і прапановы па яго прасоўванню. Даследчыкі і медыя эксперты правядуць для ўдзельнікаў лекцыі па сацыялагічнаму анкетаванню, медыяпрасоўванню аналітычных прадуктаў і напісанню аналітычных артыкулаў.
З чаго складаецца заданне?
- Абраць тэму, актуальную для Беларусі, якую хочаце даследаваць
- Матываваць выкарыстанне апытання пратэстнай аўдыторыі праз Народнае апытанне ў межах дадзенай тэмы
- Прапанаваць пітч артыкулу на аснове дадзеных даследавання (да 300 словаў)
- Прапанаваць крыніцы прасоўвання свайго артыкулу
- Падрыхтаваць камандную прэзентацыю вашага праекту
На працягу выканання задання з вамі на сувязі будуць знаходзіцца прадстаўнікі ЦНІ – Леся Руднік, Антон Раднянкоў. Пасля прэзентацыі камандных праектаў журы абяруць пераможцаў.
Што атрымаюць пераможцы?
Пераможцы атрымаюць магчымасць зрабіць уласнае даследаванне на базе аўдыторыі Народнага апытання, напісаць аналітычны артыкул і апублікаваць яго на сайце Цэнтра новых ідэй. А таксама каманда-пераможца атрымае магчымасць замовіць адукацыйныя курсы па свайму выбару!
Хто і як можа падаць заяўку?
- беларускі і беларусы з 16 да 35 год, якім цікава развіваць свае кампетэнцыі ў сферы сацыялогіі, аналітыкі, журналістыкі, камунікацыі.
- каманды з 4-5 чалавек ці індывідуальныя ўдзельнікі.
Падаць заяўку можна да 25 студзеня па спасылцы, вынікі адбору будуць анансаваныя 27 студзеня.
Калі з’явіліся пытанні, пішыце нам на пошту info@newbelarus.vision.